SAHAR

ایران کے ایوان تجارت نے الیکٹرونک سرٹیفیکٹ آف اوریجن کے اجرا کے لیے یونیفائیڈ گلوبل سسٹم کے قیام کی تجویز پیش کی ہے۔

ایران کے ایوان تجارت کے مشیر حجت اللہ بہروز نے یہ تجویز، آسٹریلیا کے شہر سڈنی میں ہونے والے ایشیا پسفک چیمبر آف کامرس کے اجلاس کے دوران پیش کی۔انہوں نے الیکٹرونک سرٹیفیکٹ آف اوریجن کی اہمیت پر زور دیتے ہوئے کہا کہ یہ سرٹیفیکٹ ترجیحی ٹریڈ ٹیرف کے لیے ہوتا ہے اور اس سے اشیا کی ترسیل کے وقت محکمہ کسٹم کو ترجیحی ٹریڈ ٹیرف کے اطلاق میں مدد ملتی ہے۔قابل ذکر ہے کہ ایشیا پیسفک چیمبر آف کامرس کا اجلاس آسٹریلیا کے شہر سڈنی میں ختم ہوگیا ہے۔