SAHAR

رہبر انقلاب اسلامی کے پیغام میں مزید آیا ہے اسلامی ثفافت میں شہید اور شہادت زندگی، بقا ، میدان میں موجودگی اور تابندگی کے مظہر ہیں اور ہمارا فرض ہے کہ ہم اس عظیم اور پائیدار مفہوم کے ساتھ تعلق برقرار کر کے اپنے معاشرے، ملک اور خود اپنے لئے عظمت اور پائیداری حاصل کریں۔

رہبر انقلاب اسلامی نے اس بات پر تاکید فرمائی ہے کہ دفاع مقدس کے ایک دن کو شہیدوں اور ایثار کرنے والوں کے دن کے بابرکت نام سے موسوم کرنا اسی فرض کی ادائیگی سے عبارت ہے۔

واضح رہے کہ بائیس ستمبر انیس سو اسّی کو عراق کی سابق بعثی حکومت نے اسلامی جمہوریہ ایران پر مسلط کردہ آٹھ سالہ جنگ کا آغاز کیا تھا۔ اسی مناسبت سے ایران میں ہر سال ہفتہ دفاع مقدس منایا جاتا ہے ۔

اور آج جمعرات کے دن کو دفاع مقدس کے شہدا اور اس جنگ میں ایثار کرنے والوں کے دن سے موسوم کیا گیا ہے اور آج ایران بھر میں شہدا کی قبروں پر پھول برسائے گئے۔ اور ایثار کرنے والوں کو خراج تحسین پیش کیا گیا۔