امریکا اپنے غلط اندازوں کی اصلاح کرلے : جنرل جعفری کا انتباہ
Sep ۲۰, ۲۰۱۷ ۲۱:۰۶ Asia/Tehran
ایران کی سپاہ پاسداران انقلاب کے کمانڈر نے کہا ہے کہ وقت آگیا ہے کہ امریکہ اپنے غلط اندازوں کی اصلاح کرلے
ایران کی سپاہ پاسداران انقلاب اسلامی کے کمانڈر جنرل محمد علی جعفری نے اقوام متحدہ میں ایران کے خلاف امریکی صدر ٹرمپ کے توہین آمیزالزامات اور بےبنیاد بیانات پر ردعمل میں کہا کہ امریکہ نے دنیا کے سامنے اپنا حقیقی چہرہ ظاہر کردیا ہے- انھوں نے مزید کہا کہ آج دنیا امریکہ کا وہی چہرہ دیکھ رہی ہے جسے ایران برسوں سے دکھانے کی کوشش کررہا ہے اور درحقیقت ایران پر یہ الزامات، امریکہ جیسی بدعنوان اور متکبر حکومت ہی لگا سکتی ہے- سپاہ پاسداران کے کمانڈر نے مزید کہا کہ امریکیوں کو علاقے میں ایران سے جو ذلت آمیز شکست ہوئی ہے اس کے لحاظ سے ان کا سیخ پا ہونا ایک فطری امر ہے-