ایران کے وزیر پیٹرولیم کا دورہ روس
اسلامی جمہوریہ ایران کے وزیر پیٹرولیم روس کے دارالحکومت ماسکو پہنچ گئے جہاں انہوں نے روس کے وزیر پیٹرولیم سے عالمی مارکیٹ میں تیل سے مربوط امور پر تبادلہ خیال کیا۔
اسلامی جمہوریہ ایران کے پیٹرولیم کے وزیر بیژن نامدار زنگنه اور روس کے وزیر پیٹرولیم الیگزینڈر نواک نے کل رات ماسکو میں تیل پیدا کرنے والے ممالک سے تیل کی قیمتوں کے استحکام اور اوپیک کی قراردادوں کے مطابق تیل کی پیداوار پر ہونے والے سمجھوتوں پر عمل در آمد پر تاکید کی۔
ایران اور روس کے وزیر پٹرولیم نے اوپیک سمجھوتے کی رو سے تیل کی زیادہ پیداوارمیں بہتری اور دونوں ممالک کے مابین توانائی کے شعبے میں باہمی تعاون پر تبادلہ خیال کیا۔
روس کے وزیر پیٹرولیم کا کہناتھا کہ ایران اور روس مسلسل رابطہ میں ہیں اور اس بات سے دونوں ممالک کے درمیان تعاون مزید مستحکم ہوگا۔
روس کے وزیر پیٹرولیم الیگزینڈر نواک نے کہا کہ ایک ملین بیرل تیل کے اضافے سے توقع کی جاتی ہے کہ تیل کی منڈی میں استحکام آئے گا اور عالمی مارکیٹ کی بے یقینی کی صورتحال کا خاتمہ ہوگا۔
