صیہونی فوج کے حملے میں چار مزید فلسطینی شہید
Apr ۱۴, ۲۰۱۸ ۱۹:۳۴ Asia/Tehran
صیہونی فوج نے غزہ کے جنوبی علاقے رفح پر توپخانوں سے حملہ کرکے کم سے کم چار فلسطینیوں کو شہید کردیا ہے
فلسطینی ذرائع نے خبردی ہے کہ صیہونی فوج کے توپخانوں نے غزہ کے علاقے رفح میں فلسطینیوں پر گولہ باری کرکے کم سے کم چار فلسطینی شہریوں کو شہید کردیا - فلسطین کی وزارت صحت نے کہا ہے کہ ان شہدا میں سے دو کے جنازے اسپتال منتقل کردئےگئے ہیں جبکہ باقی دو فلسطینیوں کے جنازوں کی تلاش جاری ہے - گذشتہ تیس مارچ کو فلسطینیوں کے واپسی مارچ پر ہوئے صیہونی فوج کے حملے کے بعد سے فلسطینیوں کے پر امن مظاہروں پر صیہونیوں کے حملے بدستور جاری ہیں جن میں اب تک انتالیس فلسطینی شہید اور چار ہزار دیگر زخمی ہوچکے ہیں -
