مذاکرات ہی مسئلہ کشمیرکا حل
Dec ۱۷, ۲۰۱۸ ۰۷:۴۴ Asia/Tehran
پاکستان کے وزیراعظم نے کشمیر میں جاری ہلاکتوں پر تشویش کا اظہار کرتے ہوئے کہا مسئلہ کشمیر صرف مذاکرات سے ہی حل ہوگا۔
پاکستان کےوزیراعظم عمران خان نے ٹوئٹر پر جاری بیان میں ہندوستان کے زیر انتظام کشمیرمیں فوج کی فائرنگ سے حالیہ ہلاکتوں کی مذمت کرتے ہوئے کہا کہ انسانی حقوق کی سنگین پامالیوں پر آواز اٹھائیں گے اور اقوام متحدہ کی سیکورٹی کونسل سے مطالبہ کریں گے کہ وادی میں حق خودارادیت کے وعدے کو پورا کیا جائے۔
پاکستان کےوزیراعظم کا کہنا تھا کہ مسئلہ کشمیر کا حل مذاکرات میں ہے، قتل و غارت اور تشدد میں نہیں، جب کہ کشمیریوں کو اپنے مستقبل کا فیصلہ خود کرنے کی اجازت ہونی چاہیے۔
