Feb ۱۰, ۲۰۱۹ ۰۸:۴۵ Asia/Tehran
  • این آر او کا مطلب ملک سے غداری: عمران خان

پاکستان کے وزیراعظم نے کہا ہے کہ این آر او دینے کا مطلب ملک سے غداری کرنا ہو گا۔

پاکستان کے وزیر اعظم عمران خان نے بلوکی میں خطاب کرتے ہوئے کہا کہ جس نے اس ملک کو دیوالیہ کیا ہم اسے نہیں چھوڑیں گے اور لٹیروں کو این آر او دینے کا مطلب ملک سے غداری کرنا ہو گا۔

عمران خان نے کہا کہ پاکستان میں دو این آر او نے ملک کو مقروض کیا، این آر او کی وجہ سے طاقتور لوگوں نے سوچا کہ چوری کی کوئی سزا نہیں ہوتی، پرویز مشرف نے اقتدار بچانے کیلئے نواز شریف کو جانے دیا، کسی کو خوف نہیں تھا کیونکہ یہاں کوئی پوچھنے والا نہیں تھا، قرضوں کی قمیت عوام مہنگائی کی شکل میں ادا کرتی ہے، دس سال ملک کو تباہ کیا گیا اور اب کہتے ہیں کہ چھ ماہ میں پی ٹی آئی نے کچھ نہیں کیا۔ انہوں نے کہا کہ این آر او سے کرپٹ لوگوں کو حوصلہ ملا، نواز شریف اور زرداری نے 5،5 سال حکومت کی اور پھر پچھلے دس سال میں پاکستان کا قرضہ 30 ہزار ارب تک پہنچ گیا۔

 

ٹیگس

کمنٹس