ہونڈوراس میں فٹبال شائقین کی ہنگامہ آرائی3 ہلاک
Aug ۱۹, ۲۰۱۹ ۱۱:۱۰ Asia/Tehran
ہونڈوراس میں نیشنل فٹبال چیمپئن شپ میچ کے دوران حریف شائقین کے درمیان ہونے والی ہنگامہ آرائی میں 3 افراد ہلاک اور 7 زخمی ہوگئے۔
میڈیا رپورٹ کے مطابق یہ افسوسناک واقعہ اولمپیا اور موٹگووا کلبز کے حامی شائقین کے درمیان پیش آیا، اسپتال ترجمان جولیتھ کے مطابق 7 افراد کو داخل کیا گیا تھا جس میں 3 کی موت واقع ہوچکی ہے جبکہ 4 افراد کو ایمرجنسی میں طبی امداد فراہم کی جارہی ہے۔
ہنگامہ آرائی موٹگووا کے پلیئرز کو لانے والی بس پر حملے کے بعد شروع ہوئی کلب کے صدر پیڈرو ایٹالا کے مطابق3 پلیئرز بھی زخمی ہوئے ہیں، اولمپیا کلب کے چیف رافیل ویلیڈا کا کہنا ہے کہ پرتشدد واقعہ بدقسمتی ہے، اس واقعے کے بعد نیشنل فٹبال لیگ کا میچ معطل کردیا گیا۔
