ٹرمپ کے اعلان کے خلاف شیکاگو میں مظاہرہ
Dec ۰۸, ۲۰۱۷ ۱۳:۳۱ Asia/Tehran
فلسطینی عوام کے حقوق کے حامی امریکی شہریوں نے بیت المقدس کو اسرائیل کا دارالحکومت تسلیم کرنے کے صدر ٹرمپ کے فیصلے کے خلاف شیکاگو میں بڑا احتجاجی مظاہرہ کیا ہے۔
اے بی ٹی این ٹیلی ویژن چینل کی رپورٹ کےمطابق بڑی تعداد میں امریکی شہریوں نے شیکاگو کی سڑکوں پر نکل کر ٹرمپ کے فیصلے پر شدید احتجاج کیا اور فلسطینی عوام کے حقوق کی حمایت کی۔
اس احتجاجی مظاہرے کا اہتمام شیکاگو میں جسٹس فار فلسطین نامی اتحاد نے کیا تھا۔
مظاہرے کے شرکا نے ٹرمپ کے فیصلے کو صیہونیوں کے لئے ان کی حمایت کا کھلا ثبوت قراردیا۔ دنیا کے بہت سے ملکوں میں ٹرمپ کے اس فیصلے کے خلاف احتجاجی مظاہروں کا سلسلہ جاری ہے۔
