• نائیجیریا میں لاسا بخار سے 101 افراد ہلاک

نائیجیریا میں ایک بار پھرلاسا بخار سے 101 افراد ہلاک ہو گئے ہیں۔

نائیجیریا میں لاسا بخار کی وبا پھوٹ پڑنے کے نتیجے میں ایک سو سے زائد افراد ہلاک ہو گئے ہیں۔

عالمی امدادی ادارے ڈاکٹرز ودآؤٹ بارڈز کے مطابق اس خطرناک وائرس نے نائیجیریا کی 18 ریاستوں کو متاثر کیا ہے، جہاں چار سو سے زائد افراد اس وائرس کا نشانہ بنے ہیں۔

فروری میں نائیجیریا میں اسی بخار نے 314 افراد کو متاثر کیا تھا، جن میں سے 72 ہلاک ہو گئے تھے۔

واضح رہے کہ لاسا وائرس خوراک اور گھریلو استعمال کی چیزوں پر چوہوں کے فضلے سے پھیلتا ہے۔ اس کے علاوہ یہ وائرس متاثرہ شخص کے خون، جلد یا پیشاب کے ذریعے بھی دیگر افراد کو منتقل ہو سکتا ہے۔

 

Apr ۱۷, ۲۰۱۸ ۰۸:۱۸ Asia/Tehran
کمنٹس