SAHAR

امریکی صدر ڈونلڈ ٹرمپ نے کہاہے کہ اقوا م متحدہ میں بہت صلاحیت مو جود ہے مگر وہ اس پر پورا نہیں اتر رہی۔

امریکی صدر ڈونلڈ ٹرمپ کا کہنا تھا کہ انہیں بڑی حیرانی ہوتی ہے کہ اقوام متحدہ میں بہت سے مسائل حل نہیں ہو پاتے، اور یہ بھی کہا کہ وہ آئندہ ہفتے اقوام متحدہ کی جنرل اسمبلی سے خطاب کریں گے۔

واضح رہے کہ ٹرمپ اس سے پہلے اقوام متحدہ کو امریکا کی جانب سے دیئے جانے والے بجٹ پر تنقید کرتے رہے ہیں کہ یہ بہت زیادہ ہے۔

امریکا اقوام متحدہ کو 22 فی صد یعنی 5 ارب 40 کروڑ ڈالر دیتا ہے اور امریکہ اس امداد کے بدلے امریکی مفادات کیلئے اقوام متحدہ سے ہر قسم کے غیر قانونی اور غیر منطقی فیصلوں کی توقع رکھتا ہے ۔