SAHAR

روزنامہ گارڈین کے مطابق بریٹش میڈیکل ایسوسی ایشن کا کہنا ہے کہ ملک کے آدھے سے زیادہ ڈاکٹر ماسک اور دستانے جیسے پرسنل سیفٹی کے وسائل خود خریدنے پر مجبور ہیں۔ بریٹش میڈیکل ایسوسی ایشن کے مطابق حکومت، نیشنل ہیلتھ سروس کے تحت ڈاکٹروں کو ماسک اور دستانوں کی فراہمی کی ذمہ داری قبول نہیں کر رہی۔

اس سے قبل نیشنل ہیلتھ سروس ان اچ اس نے اعلان کیا تھا کہ ملک میں طبی عملے کے لیے پرسنل سیفٹی کٹس کی قلت دور ہوگئی ہے۔

یہ ایسی حالت میں ہے کہ سولہ ہزار برطانونی ڈاکٹروں سے کیے جانے والے سروے کے مطابق وہ پرسنل سیفٹی کٹس اپنی جیب سے خرید کر لا رہے ہیں۔

اعداد و شمار کے مطابق برطانیہ میں اب تک ایک لاکھ تراسی ہزار افراد کورونا میں مبتلا ہوئے ہیں جبکہ اٹھائس ہزار ایک سو سے زائد افراد جان کی بازی ہار گئے ہیں۔