SAHAR

اسلامی جمہوریہ ایران نے گذشتہ چھے مہینے کے دوران ہمسایہ ملکوں کو بارہ ارب نو سو پچاس ملین ڈالر کی مصنوعات برآمد کی ہیں جو گذشتہ برس اسی مدت کے مقابلے میں تیس فیصد زیادہ ہے۔

اسلامی جمہوریہ ایران کے محکمہ کسٹم کے اعداد و شمار کے مطابق افغانستان، پاکستان، جمہوریہ آذربائیجان، ترکی، عراق، ترکمنستان اور آرمینیا جیسے ممالک کی زمینی سرحدیں ایران سے ملتی ہیں جبکہ عمان، قطر، کویت، بحرین، قزاقستان اور روس کے ساتھ ایران کی سمندری سرحدیں ملتی ہیں اور یہ ممالک ان سو ملکوں میں شامل ہیں جنھیں ایرانی مصنوعات برآمد کی جاتی ہیں-

خبروں کے مطابق گذشتہ چھے مہینے کے دوران پچھلے برس کے مقابلے میں مالیت کے اعتبار سے پچیس فیصد اور وزن کے اعتبار سے چودہ فیصد سے زائد ایرانی مصنوعات سمندری سرحدوں پر واقع ایران کے ہمسایہ ملکوں کو برآمد کی گئیں-

زرعی مصنوعات اور پروٹین نیز گھریلوں استعمال کے وسائل   پیٹروکیمیکل  نیز چاکلیٹ وہ اشیا اور مصنوعات ہیں جو سب سے زیادہ برآمد کی گئی ہیں-

مجموعی طور پر نان پیٹرولیم مصنوعات کی برآمدات میں رواں سال گذشتہ برس کے مقابلے میں مالیت کے اعتبار سے تیرہ بیس فیصد اضافہ دیکھنے میں آیا ہے-