کشمیر میں جھڑپ 2 عسکریت پسند ہلاک
ہندوستان کے زیر انتظام کشمیر میں عسکریت پسندوں اور سکیورٹی فورسز کے درمیان جھڑپ میں دوعسکریت پسند ہلاک ہو گئے۔
ہندوستانی میڈیا کی رپورٹ کے مطابق سکیورٹی اہلکاروں کے ہاتھوں جنوبی کشمیر کے بڈگام کے چاڈورا کے پاس واقع گوپال پورہ۔ کلگام میں منگل کی دیر رات عسکریت پسندوں اور سکیورٹی فورسز کے درمیان تصادم میں دو عسکریت پسندوں کے مارے جانے کی اطلاع ہے۔ ابھی بھی کچھ عسکریت پسندوں کے علاقے میں ہونے کی اطلاع ہے۔ سکیورٹی فورسز نے پورے علاقے کو گھیر رکھا ہے اور آپریشن جاری ہے۔
واضح رہے کہ پچھلے پانچ دنوں میں الگ الگ مقامات پر ہونے والی جھڑپوں میں 10 سے زائد عسکریت پسند مارے جا چکے ہیں۔ پلوامہ اور شوپیاں میں جمعرات کو عسکریت پسندوں اور سکیورٹی اہلکاروں کے تصادم میں 6 عسکریت پسند مارے گئے ۔ اسی طرح جنوبی کشمیر میں پلوامہ کے پنج گام سیکٹر میں عسکریت پسندوں اور سکیورٹی فورسز کے درمیان سنیچر کو جھڑپ ہوئی جس میں تین عسکریت پسند ہلاک ہوئے تھے۔
