SAHAR

چین ہندوستان کو بہت اہمیت دیتا ہے اور تعلقات کو بہتر کرنے کے لئے ملک کی نئی حکومت کے ساتھ مل کر کام کرنے کا خواہاں ہے۔

ہندوستان میں چین کے سفیر جھاوہوئی نے کل رات نئی دہلی میں اپنی الوداعی تقریب میں غیرملکی سفارتکاروں، شہریوں اور نامہ نگاروں سے خطاب میں ہندوستان اور چین کے مابین دوستی اور تعاون کے معاہدے اور آزاد تجارتی سمجھوتہ کرنے کی ضرورت پر زور دیتے ہوئے کہا کہ سرحد ی مسئلہ کو بات چیت سے جلد انجام پر پہنچانا اور بیلٹ اینڈ روڈ پہل (بی آر آئی) میں ہندوستان کی ترقیاتی حکمت عملی کو جگہ دینا چین کی اولین ترجیح ہے۔

جھاوہوئی کا کہنا تھا کہ ہندوستان اور چین کے دو طرفہ تعلقات بلا شبہ سب سے اہم ہیں۔

انہوں نے کہا کہ چین ہندوستان کو بہت اہمیت دیتا ہے اور تعلقات کو بہتر کرنے کے لئے اس ملک کی نئی حکومت کے ساتھ مل کر کام کرنے کا خواہاں ہے۔