SAHAR

ہندوستان میں شہریت سے متعلق حکومت کی نئی پالیسیوں اور قوانین کے خلاف کئی مہینوں سے ملکی پیمانے پر عوامی مظاہرے جاری ہیں جو حالیہ چند روز میں تشدد کی شکل اختیار کر گئے۔ دہلی میں شہریت ترمیمی بل کے خلاف مظاہرین اور حکومت نواز شرپسندوں میں زبردست ٹکراؤ ہوا جو بعد میں مذہبی فسادات کا روپ لے گیا۔ دہلی میں ہونے والے فسادات میں کم از کم سینتالیس افراد جاں بحق جبکہ ساڑھے تین سو سے زائد زخمی ہو گئے۔ اسکے علاوہ سیکڑوں کی تعداد مکانات، دکانیں اور گاڑیاں بھی نذر آتش کر دی گئیں۔