ہندوستان: ایک دن میں کورونا سے 654 افراد ہلاک
ہندوستان کورونا وائرس میں مبتلا افراد کے حوالے سے دنیا کے ممالک کی فہرست میں بدستور تیسرے نمبر پر ہے۔
ہندوستانی میڈیا نے مرکزی وزارت برائے صحت و خاندانی بہبود کی جانب سے آج منگل کے روز جاری اعداد و شمار کا حوالہ دیتے ہوئے کہا کہ گزشتہ 24 گھنٹوں کے دوران کورونا کے 47 ہزار 703 نئے کیسز سامنے آئے ہیں، جس سے متاثرین کی تعداد 14 لاکھ 83 ہزار 154 ہوگئی ہے۔ اسی کے ساتھ ہی 654 افراد کی ہلاکت کی وجہ سے ہلاک شدگان کی تعداد بڑھ کر 33 ہزار 425 ہوگئی ہے تاہم کورورنا سے صحت یاب ہونے والوں کی تعداد بھی مسلسل بڑھ رہی ہے اور اب تک 9 لاکھ 52 ہزار 743 افراد صحت یاب ہوئے ہیں۔
دنیا بھر میں کورونا وائرس سے متاثرہ افراد کی تعداد ایک کروڑ 66 لاکھ 46 ہزار 983 تک جا پہنچی ہے جبکہ اس موذی وائرس سے ہلاکتیں 6 لاکھ 56 ہزار 608 ہو گئیں۔
کورونا وائرس کے دنیا بھر میں 57 لاکھ 58 ہزار 320 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 66 ہزار 576 کی حالت تشویش ناک ہے جبکہ ایک کروڑ 2 لاکھ 32 ہزار 55 مریض صحت یاب ہو چکے ہیں۔
دنیا بالخصوص عالم اسلام اور علاقے کی اہم خبروں کے لیے ہمارا واٹس ایپ گروپ جوائن کیجئے!
Whatsapp invitation link
