ممبی میں بجلی کا بڑا بریک ڈاؤن اور بجلی کی بحالی
Oct ۱۲, ۲۰۲۰ ۲۳:۳۸ Asia/Tehran
ہندوستان کے اقتصادی مرکز ممبئی اور اس کے نواحی علاقوں میں بڑے گرڈ میں خرابی کے باعث ایک بڑے علاقے کی بجلی بند ہوگئی۔
میڈیا رپورٹوں کے مطابق ریاست مہاراشٹرا کے وزیر توانائی نے ایک ویڈیو پیغام میں بتایا کہ بجلی کی عدم فراہمی، بحالی کے کام کے دوران ہونے والے تکنیکی مسائل کی وجہ سے ہوئی۔
بجلی کی فراہمی منقطع ہونے کی وجہ سے ہزاروں مسافر ٹرینیں اور کالج کے امتحانات تاخیر کا شکار ہوگئے۔ ممبئی کے کالجوں میں آن لائن ہونے والے فائنل امتحانات کو ملتوی کردیا گیا۔
تاہم حکام کا کہنا ہے کہ اب شہر کے بیشتر علاقوں میں بجلی بحال کردی گئی ہے۔ محکمہ ریلوے نے کہا کہ ٹرینوں کی آمد ورفت بحال کردی گئی ہے۔
