SAHAR

ہندوستان کی کانگریس پارٹی کے سابق صدر اور اہم رہنما راہل گاندھی نے کسان تحریک کے دوران اپنی جان سے ہاتھ دھو بیٹھنے والے کسانوں کو خراج عقیدت پیش کیا ہے۔

راہل گاندھی نے دہلی میں کسانوں کے دھرنے اور احتجاج کے دوران موت سے ہمکنار ہو جانے والے کسانوں کو خراج عقیدت پیش کرتے ہوئے کہا ہے کہ کسانوں کی جدوجہد اور قربانیاں یقیناً رنگ لائیں گی۔

کانگریس پارٹی کے سابق صدر اور اہم رہنما راہل گاندھی نے کسان سنگھرش سمیتی (کسان تحریک یونین) کے اکھل بھارتیہ مورچہ‘ کی جانب سے تیار شدہ ایک پوسٹر بھی پوسٹ کیا ہے جس میں احتجاج کے دوران اپنی جان گنوانے والے کسانوں کو خراج تحسین‘ پیش کیا گیا ہے۔

راہل گاندھی نے کسان تحریک کے دوران مرنے والے کسانوں کی تصاویر بھی پوسٹ کی ہیں۔