SAHAR

ہندوستانی فلمی دنیا کے گلوکار و موسیقار وشال ددلانی نے سوشل میڈیا پر ایک پوسٹ میں مودی حکومت کو سب سے زیادہ قوم مخالف حکومت قرار دیا ہے۔

انہوں نے کووڈ-19 سے لے کر نوٹ بندی تک کے سبھی مسائل پر مودی حکومت پر تنقید کی۔ انہوں نے اپنے ٹویٹ میں کہا: یہ افسوسناک سچائی ہے کہ ہندوستان میں اس سے پہلے اتنی زیادہ قوم مخالف حکومت کبھی نہیں تھی۔ 

انہوں نے اپنے ٹویٹ میں آگے کہا کہ کووڈ جیسی آفت اور اس سے نمٹنے سے لے کر نوٹ بندی تک، اقتصاد، نوکریاں، انسانی حقوق سے لے کر قومی سلامتی کے امور سب درہم برہم ہو گئے ہیں۔ یہی افسوسناک سچائی ہے۔

گلوکار وشال ددلانی کی پوسٹ پر اندرنیل رائے نام کے ایک یوزر نے تبصرہ کیا: جو حکومت اپنی نا اہلی پر سوال اٹھانے والوں کو غدار کہتی ہے حقیقت میں وہی سب سے بڑی غدار ہے۔