کرکٹ میں ہندوستان کی فتح
ہندوستان نے سنچورین میں سیزن کے پہلے ٹیسٹ میچ میں جنوبی کوریا کو شکست دے دی ۔
سنچورین میں کھیلے گئے ہندوستان اور جنوبی افریقا کے پہلے ٹیسٹ میچ میں ہندوستان نے میزبان ٹیم کو ایک سو تیرہ رن سے شکست دے دی ۔
جنوبی افریقہ کا دورہ کرنے والی ہندوستان کی قومی ٹیسٹ کرکٹ ٹیم نے سنچـورین میں پہلے ٹیسٹ میچ کی پہلی اننگ میں تین سو ستائس رن بنائے تھے جبکہ جنوبی افریقا کی پوری ٹیم ایک سو ستانوے رن بناکرآؤٹ ہوگئ تھی ۔
دوسری اننگز میں ہندوستان کی ٹیم ایک سو چوہتر رن پر ہی سمٹ گئی لیکن میزبان ٹیم کے سامنے جیت کے لئے تین سو پچاس رن کا ہدف رکھ دیا ۔ جنوبی افریقا کی ٹیم ہدف کے تعاقب میں دوسری اننگز میں ایک سو اکیانوے رن ہی بناسکی۔ اس طرح ہندوستان نے یہ میچ ایک سو تیرہ رن سے جیت لیا اور تین میچوں کی سیریز میں ایک صفر کی برتری حاصل کرلی ۔
ہندوستان کی قومی کرکٹ ٹیم ایشیا کی پہلی ٹیم ہے جس نے سنچورین میں جنوبی افریقا کو شکست دی ہے۔
