SAHAR

بِرِسبین میں تیسرے ٹیسٹ کے دوسرے دن کے اختتام تک آسٹریلیا نے سات وکٹوں کے نقصان پر چار سو پانچ رن بنالئے

بِرِسبین میں ہندوستان اور آسٹریلیا کے درمیان تیسرے ٹیسٹ کے دوسرے دن کے اختتام تک آسٹریلیا نے سات وکٹوں کے نقصان پر چار سو پانچ رن بنالئے تھےآسٹریلیا کے بیٹرز نے کھیل کے دوسرے دن عمدہ بیٹنگ کا مظاہرہ کرتے ہوئے ہندوستانی بالرز پر جم کر حملہ کیا، اسٹیو اسمتھ و ٹریویس ہیڈ نے سنچریاں اسکور کیں۔ وکٹ کیپر بیٹسمین ایلیکس کیری نے بھی پینتالیس رن کی اننگ کھیلی۔ ہندوستان کی طرف سے جسپریت بُمراہ نے پانچ کھلاڑیوں کو آؤٹ کیا جبکہ محمد سراج اور ریڈی نے ایک ایک وکٹیں حاصل کیں۔ اس سے پہلے کھیل کا پہلا دن بارش کی وجہ سے متاثر ہوا تھا۔ پانچ میچ کی اس ٹیسٹ سیریز میں ہندوستان اور آسٹریلیا ایک ایک میچ اپنے نام کر چکے ہیں۔