SAHAR

واقعے کے فوراً بعد ریسکیو آپریشن شروع کر کے زخمیوں کو نزدیکی اسپتال منتقل کیا گیا ہے۔

سحر نیوز/ ہندوستان: ہندوستان کے زیر انتظام جموں و کشمیر کے اکھنور علاقے  جموں ۔ پونچھ ہائی وے پر ٹانڈہ موڑ کے پاس ایک بس گہری کھائی میں گر گئی ، جس میں کم از کم 20 افراد کی موت ہو گئی جبکہ کئی دیگر زخمی ہوئے ہیں۔

جموں کے ڈپٹی کمشنر نے کہا کہ اتر پردیش کے ہاتھرس سے مسافروں کو لے کر جا رہی ایک بس جموں کے اکھنور کے ٹانڈہ  موڑ علاقے میں گہری کھائی میں گر گئی ۔

پولیس اور مقامی افراد کی جانب سے امدادی کارروائیاں جاری ہیں ۔ زخمیوں کو اکھنور سب ڈسٹرکٹ اسپتال لے جایا گیا، جہاں سے شدید زخمی مسافروں کو جموں میڈیکل کالج ریفر کر دیا گیا۔