بم کی دھمکی کے بعد انڈیگو طیارے کی ممبئی میں ہنگامی لینڈنگ
ہندوستان میں چنئی سے ممبئی جانے والی انڈیگو کی پرواز کی بم کی دھمکی کے بعد ممبئی میں ہنگامی لینڈنگ کرائي گئی۔
سحرنیوز/ہندوستان: ہندوستانی میڈيا کے مطابق چنئی سے ممبئی جانے والی انڈیگو ایئرلائنس کی پرواز میں ایک سو بہتر افراد سوارتھےانڈیگو کے عہدیداروں نے کہا کہ تمام مسافروں کو جہاز سے بحفاظت اتار لیا گیا ہے اور طیارے کی چھان بین کی گئی ہےانڈیگو نے ہفتہ کو ایک بیان جاری کرتے ہوئے کہا کہ چنئی سے ممبئی جانے والی انڈیگو کی پرواز میں بم نصب ہونے کی دھمکی ملی تھی۔ ممبئی میں لینڈنگ کے بعد عملے نے پروٹوکول کی پیروی کی اور سیکورٹی ایجنسی کی ہدایات کے مطابق طیارے کو تنہائی میں لے جایا گیا۔
تمام مسافر طیارے سے بحفاظت اتر گئے۔ یہ ایک ہفتے میں انڈیگو کی پرواز میں بم کی دوسری دھمکی ہے۔
اس سے قبل اٹھائیس مئی کو دہلی سے وارانسی جانے والی پرواز میں بھی بم نصب کئے جانے کی دھمکی دی گئی تھی۔جب کچھ مسافر دہلی ہوائي اڈے پرہی گھبرا کر جہاز سے نیچے کودنے لگے تھے ۔
