ہندوستان: انڈین ایئرلائن کا طیارہ بم سے اڑانے کی دھمکی
Aug ۲۲, ۲۰۲۴ ۱۱:۴۴ Asia/Tehran
ہندوستانی فضائی کمپنی ایئر انڈیا کی ممبئی سے آنے والی پرواز کو بم سے اُڑانے کی دھمکی موصول ہونے کے بعد طیارے کی ترواننت پورم کے ایئر پورٹ پر ہنگامی طور پر اتارلیا گیا۔
سحرنیوز/ہندوستان: میڈیا رپورٹوں کے مطابق بم کی اطلاع ملنے پر ترواننت پورم کے ایئرپورٹ پر ایمرجنسی نافذ کر دی گئی ہے۔ ایئرپورٹ ذرائع کا کہنا ہے کہ مذکورہ طیارے کو صبح 8 بجے ایئرپورٹ پر ہنگامی بنیاد پر اُتارا گیا۔ طیارے میں 135 مسافر سوار تھے جنہیں بحفاظت طیارے سے نکال لیا گیا ہے۔
ایئرپورٹ ذرائع کے مطابق طیارے کو آئسولیٹ کرکے دھماکا خیز مواد کی تلاش کی جا رہی ہے۔
