ہندوستان: گیانیش کمار نے چیف الیکشن کمشنر کا چارج سنبھال لیا
گیانیش کمار نے آج نئے چیف الیکشن کمشنر کا چارج سنبھال لیا ہے
سحرنیوز/ہندوستان: ہندوستانی میڈیا کے مطابق نئے چیف الیکشن کمشنر گیانش کمار اور الیکشن کمشنر ڈاکٹر وویک جوشی نے بدھ کے روز اپنے عہدے کا چارج سنبھال لیا مسٹر گیانیش کمار ہندوستان کے 26ویں چیف الیکشن کمشنر ہیں انہوں نے مسٹر راجیو کمار کی جگہ لی جن کی میعاد منگل کے روز ختم ہوگئی مسٹر گیانیش کمار کا الیکشن کمیشن ہیڈ کوارٹر میں الیکشن کمشنروں ڈاکٹر سکھبیر سنگھ سندھو اور ڈاکٹر وویک جوشی نے خیرمقدم کیا چیف الیکشن کمشنر مسٹر گیانیش کمار نے اپنی نئی ذمہ داری سنبھالنے کے بعد شہریوں بالخصوص نوجوان شہریوں کے نام مختصر پیغام میں کہا کہ انہیں ووٹ ڈالنے کی اپنی ذمہ داری پوری کرنی چاہیے۔ مسٹر گیانیش کمار نے کہا کہ ووٹ ڈالنا ملک کی خدمت کی طرف پہلا قدم ہے اور اس لئے ہندوستان کے ہر شہری جو 18 سال کی عمر کو پہنچ چکا ہے اسے ووٹر بننا چاہئے اور الیکشن کمیشن ہندوستان کے آئین، عوامی نمائندگی ایکٹ، قوانین اور ان کے تحت جاری کردہ ہدایات کے مطابق ہمیشہ ووٹروں کے ساتھ رہا ہے، ہے اور رہے گا۔
