SAHAR

ہندوستان کے زیر انتظام کشمیر کے وزیر اعلیٰ عمر عبداللہ نے اننت ناگ کے آگ متاثرین کے ساتھ ہمدردی کا اظہار کرتے ہوئے کہا ہے کہ اس بھیانک واقعے سے متاثرہ افراد کی مدد کے لئے فوری امداد اور بحالی کے اقدامات جاری ہیں۔

سحرنیوز/ہندوستان: ہندوستان کے میڈیا ذرائع کی رپورٹ کے مطابق ہندوستان کے زیر انتظام کشمیر کے وزیر اعلیٰ عمر عبداللہ نے کہا کہ ہم اس مشکل وقت میں متاثرین کے ساتھ کھڑے ہیں۔
واضح رہے کہ جنوبی ضلع اننت ناگ کے کادی پورہ علاقے میں گذشہ روز آتشزدگی کے ایک واقعے میں ایک درجن سے زیادہ رہائشی مکان خاکستر ہوگئے۔
وزیر اعلی عمر عبداللہ نے اس واقعے پر افسوس کا اظہار کرتے ہوئے جمعہ کو اپنے دفتر کے ایکس ہینڈل پر ایک پوسٹ میں کہا کہ اننت ناگ میں خوفناک آگ نے کئی مکانوں کو خاکستر کر دیا ہے جس سے کئی کنبے بے گھر ہو گئے ہیں۔