SAHAR

ہندوستان کے وزیر خارجہ ایس جے شنکر نے امریکی صدر ٹرمپ کے اس بیان کو ایک بار پھر سختی سے مسترد کردیا ہے جس میں انھوں نے کہا ہے کہ ہندوستان اور پاکستان کے درمیان جنگ بندی میں انھوں نے ثالثی کی ہے۔

سحرنیوز/ہندوستان: میڈیا رپورٹ کے مطابق ہندوستان کے وزیر حارجہ ایس جے شنکر نے کواڈ اجلاس کے موقع پر امریکی صدر ٹرمپ کے اس بیان کو چیلنج کر دیا کہ ہندوستان اور پاکستان کے درمیان جنگ بندی میں انھوں نے ثالثی کی ہے۔ انہوں نے کہا کہ وہ اس وقت اس کمرے میں موجود تھے جب مئی میں امریکی نائـب صدر جے ڈی وینس نے ہندوستان کے وزیراعظم نریندر مودی سے ٹیلیفون پر گفتگو کی تھی۔ ہندوستان کے وزیر حارجہ ایس جے شنکر نے کہا کہ ٹیلیفون پر ہونے والی گفتگو میں تجارت اور جنگ بندی جیسے موضوعات میں کوئي آپسی تعلق نہیں بنتا۔