SAHAR

نئی دہلی میں ہندوستانی پارلیمنٹ سے کچھ ہی دوری پر ممبران پارلیمنٹ کے اپارٹمنٹ میں آتشزدگی کا واقعہ پیش آیا ہے

سحرنیوز/ہندوستان: ہندوستان کی قومی راجدھانی میں کناٹ پلیس کے بابا کھڑگ سنگھ مارگ پر واقع سندھو اپارٹمنٹس میں بدھ کی رات اچانک آگ لگ گئی جو دیکھتے ہی دیکھتے خوفناک شکل اختیار کر گئی۔ اس سے پورے علاقے میں خوف و ہراس پھیل گیا۔

یہ رہائشی کمپلیکس لوک سبھا اور راجیہ سبھا کے کئی ممبران پارلیمنٹ کی سرکاری رہائش گاہ ہے، جو پارلیمنٹ ہاؤس سے کچھ ہی فاصلے پر واقع ہے۔

ابتدائی تحقیقات میں بجلی بورڈ میں آگ لگنے کی بڑی وجہ شارٹ سرکٹ کو بتایا گیا ہے۔ کمپلیکس میں مقیم ارکان پارلیمنٹ اور ان کے عملے کو بحفاظت باہر نکال لیا گیا۔