کولکاتہ سے موصولہ رپورٹ کے مطابق مغربی بنگال ریاست میں اساتذہ کی بھرتی کے عمل کی ایک بڑی تبدیلی میں، وزیر اعلیٰ سویندو ادھیکاری نے بدھ کے روز کہا کہ مدرسہ سروس کمیشن کو ختم کردیا جائے گا اور تمام بھرتیاں اسکول سروس کمیشن (ایس ایس سی) کے ذریعہ کی جائیں گی۔

سحرنیوز/ہندوستان: رپورٹ کے مطابق سویندو ادھیکاری نے بتایا کہ مدرسہ سروس کمیشن کو ختم کرکے اسکول سروس کمیشن میں ضم کردیا گیا ہے۔ اطلاعات کے مطابق یہ اہم انتظامی فیصلہ اساتذہ کی بھرتی کے عمل کو یکساں سطح پر لانے کے لیے کیا گیا۔ ایک سینیئر سرکاری اہلکار نے بتایا کہ 2008 سے پہلے مدارس میں بھرتی کے لیے کوئی الگ بورڈ یا پینل نہیں تھا۔

اطلاعات کے مطابق 2007 میں، اس وقت کی بائیں محاذ کی حکومت نے ریاست میں کام کرنے والے 614 مدارس کو اقلیتی تعلیمی ادارے کا درجہ دیا تھا اور اس کے بعد 2008 میں مدرسہ سروس کمیشن ایکٹ نافذ کیا۔ تب سے، مدارس ایکٹ میں طے شدہ قواعد کے مطابق اساتذہ کی بھرتی ہو رہی ہے تاہم، اطلاعات کے مطابق، موجودہ حکومت موجودہ عمل کو اس خیال سے تبدیل کرنا چاہتی ہے کہ تمام بھرتیاں ایک مخصوص ایجنسی کے ذریعے کی جائیں۔

اعداد و شمار کے مطابق، ریاست میں تسلیم شدہ مدارس کی تعداد 2008 سے اب تک 614 ہے۔ ریاست میں ترنمول کانگریس (ٹی ایم سی) کی گزشتہ 15 سال سے حکمرانی کے باوجود، تسلیم شدہ مدارس کی تعداد میں بالکل بھی اضافہ نہیں ہوا ہے۔

ہمیں فالو کریں:

Follow us: Facebook, X, instagram, tiktok  whatsapp channel