SAHAR

ایران کے نائب وزیر خارجہ اور سینیئر ایٹمی مذاکرات کار سید عباس عراقچی نے کہا ہے کہ امریکہ ڈالر کو ہتھیار کے طور پر استعمال کر رہا ہے اور اس نے ایران کے خلاف اقتصادی جنگ چھیڑی رکھی ہے۔

یک طرفہ پابندیوں کے اثرات کے بارے میں ویانا میں منعقدہ ایک بین الاقوامی سیمینار سے خطاب کرتے ہوئے سید عباس عراقچی کا کہنا تھا کہ امریکہ ڈالر کو دیگر ملکوں کے خلاف جنگی ہتھیار کے طور پر استعمال کر رہا ہے۔
انہوں نے امریکہ کی یکطرفہ اور ظالمانہ پابندیوں کا ذکر کرتے ہوئے کہا کہ عالمی برادری کو امریکہ کی مونوپلی کا ٹھوس طریقے سے مقابلہ کرنا چاہیے۔
یک طرفہ پابندیوں کے اثرات کے بارے میں اس بین الاقوامی سیمینار کا انعقاد ایران، کیوبا اور وینیزوئیلا نے کیا تھا۔