SAHAR

تہران کے خطیب جمعہ حجت الاسلام کاظم صدیقی نے اس ہفتے نمازجمعہ کے خطبوں میں کہا کہ سینچری ڈیل نے عالم اسلام میں ایک نیا جوش و انقلاب پیدا کردیا ہے جو اس ناپاک امریکی اور صیہونی منصوبے کو ناکام بنادے گا۔

تہران کے خطیب جمعہ نے کہا کہ امریکا کے بے عزت صدر ٹرمپ کا منصوبہ جو فلسطینیوں کے گھروں کو صیہونیوں کے حوالے کرتا ہے ابھی سے ہی شکست سے دوچار ہوچکا ہے۔ تہران کے خطیب جمعہ حجت الاسلام کا ظم صدیقی نے ایران کے عنقریب پارلیمانی الیکشن کا ذکرکرتے ہوئے کہا کہ گیارہویں پارلیمنٹ ایسی ہونی چاہئے جو ایرانی عوام کے شایان شان ہو اور شہید قاسم سلیمانی کے خون سے بھرپور وفاداری کرے۔ انہوں نے عوام سے کہا کہ وہ ایسے لوگوں کو ووٹ نہ دیں جو اغیار سے دل لگائے ہوئے ہیں۔ ایران کے پارلیمانی انتخابات آئندہ اکیس فروری کو ہوں گے۔