SAHAR

ایران کے وزیر خارجہ نے خلیج فارس کے ہمسایہ ممالک کو مخاطب کرتے ہوئے کہا ہے کہ اسلامی جمہویہ ایران ، مغرب سے علاقے کے سلسلے میں مذاکرات نہیں کرے گا۔

ایران کے وزیر خارجہ محمد جواد ظریف نے منگل کو ایک ٹوئٹ میں کہا کہ ایسا نظر آتا ہے کہ بعض پڑوسی ممالک نے مغرب کے ساتھ  ایران کے مذاکرات کے عمل کا حصہ بننے کی درخواست کی ہے۔

جواد ظریف نے کہا کہ ایران، مغربی ممالک  کے ساتھ علاقے کے سلسلے میں مذاکرات نہیں کرے گا کیونکہ بنیادی مسئلہ علاقے میں ان کی مداخلتیں ہی ہیں۔

تاہم ایران کے وزیر خارجہ نے زور دے کر کہا کہ تہران، پڑوسیوں کے ساتھ مذاکرات کے لئے ہمیشہ تیار ہے اور ایران کی جانب سے انیس سو چھیاسی میں علاقائی سیکورٹی کا منصوبہ ، دوہزار سولہ میں علاقائی ڈائیلاگ اسمبلی اور دوہزار انیس میں ہرمز امن منصوبہ اس موضوع کا ثبوت ہے۔