SAHAR

ایرانی عدلیہ کے سربراہ سید ابراہیم رئیسی نے غاصب صیہونی حکومت پر عالمی عدالت انصاف میں مقدمہ چلانے جانے کی ضرورت پر زور دیا ہے

سپریم جوڈیشل کونسل کے اجلاس سے خطاب کرتے ہوئے ایرانی عدلیہ کے سربراہ سید ابراہیم رئیسی نے کہا کہ غاصب صیہونی فوج اور غزہ کے مظلوم عوام کے درمیان فوجی جنگ بظاہر ختم ہو گئی ہے تاہم قانونی جنگ بدستور جاری ہے۔

انہوں نے کہا کہ قانون کے تحت جرائم پیشہ صیہونی حکومت کو عالمی عدالت انصاف کے حوالے کرنے کی ضرورت ہے اور اس معاملے کو پوری سنجیدگی کے ساتھ آگے بڑھایا جانا چاہیے۔ ایرانی عدلیہ کے سربراہ نے کہا کہ تمام عالمی عدالتوں اور بین الاقوامی فورمز پر جرائم پیشہ صیہونیوں کا تعاقب کیا جانا چاہیے اور دنیا کے تمام قانون دانوں اور حریت پسندوں پر اس حوالے سے بھاری ذمہ داریاں عائد ہوتی ہیں۔