ایرانی خاتون ایتھلیٹ کا قومی ریکارڈ
Dec ۱۶, ۲۰۲۱ ۱۷:۳۷ Asia/Tehran
ایران کی ہیوی ویٹ خاتون ایتھلیٹ فاطمہ یوسفی نے عالمی مقابلوں میں دوسو چودہ کلو وزن اٹھا کر قومی ریکارڈ قائم کیا ہے۔
ہمارے نمائندے کے مطابق فاطمہ یوسفی نے ازبکستان کے دارالحکومت تاشقند میں جاری عالمی ویٹ لفٹنگ چیمپین شپ کے دوران مجموعی طور پر دو سو بیس کلو وزن اٹھانے کاقومی ریکارڈ قائم کیا۔
انہوں نے سنگل اسٹریچ کے ذریعے بالترتیب، پچاسی کلو، نواسی کلو اور ترانوے کلو وزن اٹھایا۔
فاطمہ یوسفی نے ڈبل اسٹریچ میں بالترتیب ایک سو پندرہ، ایک سو اکیس اور ایک سو چھبیس کلو وزن اٹھانے میں کامیابی حاصل کی۔
ویٹ لفٹنگ کے عالمی مقابلے بارہ دسمبر سے ازبکستان کے دارالحکومت تاشقند میں جاری ہیں جس میں دنیا کے پینسٹھ ملکوں کے چار سو بتیس مرد و خواتین کھلاڑی حصہ لے رہے رہیں۔