SAHAR

برازیل میں ڈیف اولمپیک یا قوت سماعت سے محروم کھلاڑیوں کے مقابلوں میں ایرانی کھلاڑیوں نے عمدہ کارکردگی کا مظاہرہ کرتے ہوئے دوسری پوزیشن حاصل کی۔

ایران کی کراٹے ٹیم نے جو خواتین اورن مردوں پر مشتمل ہے سونے کے 2 چاندی کے 3 اور کانسی کے 5 تمغے حاصل کئے اس طرح ایران نائب چیمپئین بن گیا۔

ڈیف اولمپیک یا قوت سماعت سے محروم کھلاڑیوں کے چوبیسویں دور کے مقابلے برازیل میں جاری ہیں جن میں دنیا کے اسّی ملکوں کے چار ہزار سے زائد کھلاڑیوں  حصہ لے رہے ہیں ۔ ان مقابلوں میں ایرانی کھلاڑیوں کا دستہ مختلف قسم کے آٹھ مقابلوں منجملہ فٹبال، جوڈو ، کراٹے، نشانے بازی، ساحلی والیبال، دوڑ، تائیکوانڈو، فری اسٹائل کشتی اور گریکو رومن کشتی کے مقابلوں میں شرکت کر رہا ہے ۔