ایرانی افواج ہر دور سے زیادہ چست و چاق و چوبند ہیں
Jul ۱۲, ۲۰۲۲ ۱۹:۳۹ Asia/Tehran
ایرانی فوج کے کمانڈر انچیف نے کہا ہے کہ ایرانی مسلح افواج بہترین پوزیشن میں ہیں اور ہر دور سے زیادہ چاق و بند ہیں۔
منگل کے روز ایران کی عدلیہ کے سربراہ غلام حسین محسنی اژہ ای نے آرمی مرکز کا معائنہ کیا۔ اس موقع پر ایران کے آرمی چیف میجر جنرل سید عبدالرحیم موسوی نے ان کا خیرمقدم کیا۔
تقریب سے اپنے خطاب میں میجر جنرل موسوی نے کہا کہ ایران کی مسلح افواج کے سپریم کمانڈر نے فرمایا ہے کہ قومی فوج اسلامی اقدار کا مظہر ہے جسے ہر جگہ ایک نمونے کے طور پر پیش کیا جا سکتا ہے اور اس کا یہ مقام دسیوں ہزار شہدا کے خون، جانثاروں اور فداکاروں کا مرہون منت ہے۔
انہوں نے کہا کہ ایران کی مسلح افواج مغربی، شمال مشرقی اور شمال مغربی سرحدوں پر تعیناتی کے ساتھ ساتھ ملک کی فضائی، بری اور بحری حدود کا تحفظ اور ملک کی سکیورٹی ضروریات کو پورا کر رہی ہیں۔
