فیفا ورلڈ کپ 2022، ایرانی وزیر کھیل قطر روانہ
Nov ۲۰, ۲۰۲۲ ۱۴:۴۷ Asia/Tehran
ایران کے کھیل اور نوجوانوں کے امور کے وزیر حمید سجادی ورلڈ کپ کے افتتاحی پروگرام میں شرکت کیلئے قطر پہنچ گئے ہیں۔
حمید سجادی فیفا ورلڈ کپ دو ہزار بائیس کے افتتاحی پروگرام میں شرکت کے علاوہ ایران کی ٹیم کے پہلے میچ کے موقع پر بھی اسٹیڈیم میں موجود رہیں گے۔ انہوں نے روانگی سے قبل کہا کہ ایران اس بار کے ورلڈ کپ کے لئے کوالیفائی کرنے والا پہلا ایشین ملک تھا اور لگا تار پچھلے تین ورلڈ کپس میں ہم موجود رہے ہیں ۔ انہوں نے کہا کہ ایران کی قومی فٹبال ٹیم کے کھلاڑی ملک اور دنیا کی بڑی ٹیموں میں کھیل رہے ہیں لہذا امید کی جاتی ہے کہ اس بار کے ورلڈ کپ میں اچھا نتیجہ حاصل کریں گے۔
قابل ذکر ہے کہ ایران کی فٹبال ٹیم کا پہلا میچ پیر کے روز انگلینڈ کے ساتھ طے ہے۔ علی رضا جہان بخش ایرانی دستے کے کپتان رہیں گے۔
