SAHAR

ایران کے وزیر خارجہ ترکیہ میں آنے والے تباہ کن زلزلے سے متاثر ہونے والے علاقوں کا دورہ کرنے اور اس ملک کے اعلی حکام سے ملاقات کرنے کیلئے کل انقرہ پہنچے۔

سحر نیوز/ ایران: اسلامی جمہوریہ ایران کے وزیر خارجہ حسین امیرعبداللهیان نے ترکیہ کے وزیر خارجہ مولود چاووش اوغلو سے انفرہ می ملاقات و گفتگو کی اور علاقائی اور عالمی مسائل من جملہ ترکیہ میں آنے والے شدید زلزلے سے متعلق تبادلہ خیال کی۔

ایران کے وزیر خارجہ ترکیہ میں آنے والے تباہ کن زلزلے سے متاثر ہونے والے علاقوں کا دورہ کرنے کے مقصد سے اس ملک کا دورہ کر رہے ہیں۔

حسین امیرعبداللهیان کل رات ترکیہ کے اسن‌بوغای بین الاقوامی ائیر پورٹ پہنچنے پر کہا کہ ان کا یہ دورہ ترکیہ کے اعلی حکام اور زلزلے سے متاثر ہونے والوں کے اہلخانہ سے اظہار ھمدردی اور ایرانی قوم اور حکومت کا پیغام پیغام پہنچانا ہے۔