SAHAR

ایران کی آئس ہاکی کی نیشنل وومن ٹیم نے لگاتار بہترین کارکردگی کا مظاہرہ کرتے ہوئے فائنل میں اپنی جگہ بنا لی ہے۔

سحر نیوز/ایران: آئس ہاکی کی ایشیئن سینئر چیمپئن شپ کے فائنل میں پہنچنے کے لئے ایران کی قومی ٹیم نے سنگاپور کو شکست دی۔ اس لیگ میں ایران کا یہ پانچواں میچ تھا جس میں اُس کا سامنا سنگاپور کی تجربہ کار اور مضبوط ٹیم سے ہوا تاہم اُس نے اپنے حریف کو تین صفر سے شکست دی اور یوں فائنلسٹ قرار پائی۔

آئس ہاکی کی ایشیئن وومن چیمپیئن شب میں ایران کی ٹیم کی یہ پہلی شرکت ہے جس میں اُس نے شاندار کارکردگی کا مظاہرہ کیا ہے اور سیمی فائنل میں سنگاپور کی ٹیم کو شسکت دینے سے قبل ہندوستان، کویت، کرقیزستان اور متحدہ عرب امارات کو شکست دے چکی ہے۔

اس چیمپیئن شب کا فائنل آج ایران اور تھائی لینڈ کے درمیان کھیلا جائے گا۔