SAHAR

ویتنام کی پارلیمنٹ کے سربراہ وونگ دین ھوئہ اپنے وفد کے ہمراہ ایران کے سرکاری دورے پر تہران کے مھرآباد ائیرپورٹ پہنچے ہیں جہاں ایرانی پارلیمنٹ کے نائب سربراہ مجتبی ذوالنوری نے ان کا استقبال کیا۔

سحرنیوز/ایران: تسنیم نیوز کی رپورٹ کے مطابق ویتنام کی پارلیمنٹ کے سربراہ وونگ دین ھوئہ اپنے وفد کے ہمراہ سرکاری دورے پر تہران پہنچے ہیں۔
رپورٹ کے مطابق ان کے ساتھ اعلی سطحی پارلیمانی اور اقتصادی وفود بھی آئے ہیں۔
وونگ دین ھوئہ اپنے دورہ تہران کے دوران ایران کی پارلیمنٹ کے سربراہ محمد باقر قالیباف اور ایران کے صدر سید ابراہیم رئیسی سے بھی ملاقات کریں گے۔
رپورٹ کے مطابق اس دورے میں دونوں ممالک کے درمیان باہمی تعاون کے مختلف معاہدوں پر بھی دستخط کئے جائیں گے۔