SAHAR

اسلامی جمہوریہ ایران کے وزیر خارجہ حسین امیر عبداللہیان نے مراکش میں زلزلے سے مرنے والوں کے اہل خانہ سے ہمدردی کا اظہار کیا ہے۔

سحر نیوز/ عالم اسلام: ایرانی وزیر خارجہ نے سوشل میڈیا پر زلزلے سے متاثرہ افراد کی مدد کے لیے ایران کی آمادگی کا اعلان بھی کیا ہے۔

ایرانی وزیر خارجہ نے سوشل میڈیا کے ذریعہ مراکش کی قوم اور حکومت خاص طور پر اس ملک کے وزیر خارجہ کو زلزلے میں بڑی تعداد میں ہلاکتوں کی تعزیت پیش کرتے ہوئے کہا کہ اسلامی جمہوریہ ایران زلزلے سے متاثرہ افراد کی مدد کرنے کے لیے تیار ہے۔

واضح رہے کہ مراکش میں آنے والے ہولناک اورتباہ کن زلزلے میں اب تک دو ہزار سے زائد افراد جاں بحق اور سینکڑوں زخمی ہو چکے ہیں۔