ایران کے 3 ہزار اہلسنت علماء کا رہبر انقلاب اسلامی کے نام خط، کیا کہا گیا ہے اس خط میں؟
ایران کے دو ہزار سے زائد اہلسنت علما نے رہبر انقلاب اسلامی کے نام ایک خط میں ایران کے کل جمعے کو ہونے والے صدارتی انتخابات کو ایرانی قوم کے اقتدار و وقار اور عزم و ارادے کا زمینہ ساز قرار دیا۔
سحر نیوز/ ایران: ایران کے چودھویں صدارتی انتخابات کے لئے کل جمعے کو ووٹنگ ہو رہی ہے۔ ایران کے دو ہزار چھے سو سے زائد اہلسنت علمائے کرام اور دینی مدارس کے سربراہوں نیز امام جمعہ و جماعات نے رہبر انقلاب اسلامی آیت اللہ العظمی سید علی خامنہ ای کے نام خط میں اسلامی جمہوریہ ایران کے بانی امام خمینی رح، ایرانی شہدا کی امنگوں کے ساتھ تجدید عہد کرتے ہوئے رہبر انقلاب اسلامی کے رہنما ارشادات پر عمل کے لئے ووٹنگ میں ہر ایرانی کی جانب سے اپنے حق رائے دہی کے استعمال کو اس کا مسلمہ حق قرار دیا اورکل ہونے والے صدارتی انتخابات کو تمام ایرانیوں منجملہ فارس، کرد، ترک، بلوچ، ترکمن، لر، شیعہ و سنی اور دیگر ادیان الہی کے پیروکاروں کے لئے قابل فخر روشن مستقبل اور ایرانی قوم کے اقتدار و وقار اور عزم و ارادے کا مظہر اور زمینہ ساز قرار دیا ۔
قابل ذکر ہے کہ رہبر انقلاب اسلامی کے نام تحریر کردہ اس خط پر ایران کے مختلف صوبوں منجملہ کرمانشاہ، ہرمزگان, خراسان رضوی، خراسان جنوبی، خراسان شمالی، بوشہر, فارس, کردستان، گلستان، سیستان و بلوچستان مغربی آذربائیجان اور گیلان کے اہلسنت علمائے کرام اور امام جمعہ و جماعات اور دینی مدارس کے سربراہوں نے دستخط کئے ہیں۔
