ایرانی طلبہ کی روبوٹکس ٹیم دنیا میں دوسرے نمبر پر
ایران کی قومی روبوٹکس ٹیم نے 7 سے 17 سال کی عمر کے گروپ میں عالمی چیمپئن شپ کا رنر اپ ٹائٹل جیت لیا۔
سحرنیوز/ایران: ایران کی 7-17 سالہ قومی روبوٹکس ٹیم نے بیجنگ ورلڈ چیمپیئن شپ میں شاندار کارکردگی کا مظاہرہ کرتے ہوئے گزشتہ برس کے مقابلے بہتر کارکردگی دکھائی اور ٹیم، تکنیکی رپورٹ کے حساب سے دوسری پوزیشن حاصل کرنے میں کامیاب رہی۔
اس مقابلے میں ایران کی انڈر 17 طلباء کی روبوٹکس ٹیم نے 48 ایلیٹ طلباء پر مشتمل پانچ لیگوں میں 3-3 کے 16 گروپس میں حصہ لیا۔ ان مقابلوں میں چین پہلے، ایران دوسرے اور رومانیہ تیسرے نمبر پر رہا۔
اس کے علاوہ، 12 سال سے کم عمر کے طلبہ کے گروپ میں تین طلباء کے دو گروپ تخلیقی مقابلے میں دوسری اور تیسری پوزیشن حاصل کرنے میں کامیاب رہے اور چاندی اور کانسی کے تمغے جیتے۔
اس مقابلے میں چین نے پہلی پوزیشن حاصل کی۔ ایران کے طلبہ کی روبوٹکس ٹیم دنیا میں دوسرے نمبر پراس کے علاوہ، تخلیقی لیگ اور 12 سے 17 سال کی عمر کے گروپ میں، ایرانی طلباء پہلی بار قریبی مقابلے میں چوتھے مقام تک پہنچنے میں کامیاب ہوئے۔
اس سے پہلے ایران کی قومی طلبہ روبوٹکس ٹیم نے سن 2019 میں ملیشیا کے مقابلوں میں تیسرا مقام حاصل کیا تھا، سن 2022 کے ہندوستان اور 2023 میں چین کے مقابلوں میں ایرانی ٹیم رنر اپ رہی تھی۔
