ایکس پر رہبر انقلاب اسلامی کا عبرانی پیج فعال ہوگیا
ایکس پر رہبر انقلاب اسلامی آیت اللہ العظمیٰ سید علی خامنہ ای کا عبرانی پیج گزشتہ روز سے دوبارہ فعال ہوگیا ہے۔
سحر نیوز/ ایران: رہبر انقلاب اسلامی کے نشرواشاعت کے دفتر کے رکن مہدی فضائلی نے بتایا ہے کہ ایکس پر آیت اللہ العظمیٰ سید علی خامنہ ای کا عبرانی پیج جو چھبیس اکتوبر کو بسم اللہ الرحمن الرحیم سے شروع ہوا تھا، فعال ہونے کے دوسرے ہی دن معطل کردیا گیا تھا۔
ایکس کے اس اقدام پر صارفین کی بڑی تعداد نے سخت اعتراض کیا جس کے بعد ایکس نے رہبر انقلاب اسلامی کا عبرانی پیج دوبارہ بحال کردیا۔
یاد رہے کہ اس سے قبل امریکا میٹا کمپنی نے آٹھ فروری دو ہزار چوبیس کو انسٹاگرام اور فیس بک پر رہبر انقلاب اسلامی کے پیج بند کردیئے تھے۔
قابل ذکر ہے کہ ایکس پر رہبر انقلاب اسلامی آیت اللہ العظمیٰ سید علی خامنہ ای کے مختلف زبانوں میں پیج کام کررہے ہیں ۔ عربی، فارسی، انگریزی، فرانسیسی، اردو اور ہندی سمیت دنیا کی مختلف زبانوں میں رہبر انقلاب اسلامی آیت اللہ العظمیٰ سید علی خامنہ ای کے ٹوئٹ کے فالوور بہت ہیں جن میں عام لوگوں کے علاوہ بہت بڑی تعداد میں یونیورسٹیوں کے طلبا، اساتذہ ، اور دانشور بھی شامل ہیں ۔
