SAHAR

ایرانی فوج کے سربراہ میجر جنرل موسوی نے کہا ہے کہ ایران کی مسلح افواج کسی بھی خطرے سے نمٹنے کے لیے ہمیشہ تیار ہیں۔

سحرنیوز/ایران: ایرانی فوج کے کمانڈر انچیف میجر جنرل سید عبدالرحیم موسوی نے پیر کے روز دافوس میں منعقدہ ریسرچ ویک کی یادگاری تقریب کے موقع پر کہا کہ مسلح افواج کا یہ فرض ہے کہ ہمیشہ اپنے آپ کو ہر اس قسم کے خطرے کے لیے تیار رکھیں جس کا وہ تصور کرسکتے ہیں۔

انہوں نے کہا کہ عوام کو مسلح افواج کی تیاریوں پر اطمینان ہونا چاہیے۔

جنرل موسوی نے تاکید کی کہ ہمارا ملک صرف مسلح افواج پر بھروسہ نہیں کرتا بلکہ یہ دنیا کا منفرد ملک ہے جہاں کی عوام بھی اپنے نظریات کا دفاع کرتی ہے اور ہم اپنی ذمہ داریاں احسن طریقے سے پوری کرتے ہیں۔