SAHAR

ایک ایرانی پہلوان کو روس کے بین الاقوامی کشتی مقابلوں میں بہترین غیر ملکی پہلوان کا ٹائٹل دیا گیا ہے۔

سحرنیوز/ایران: اسلامی جمہوریہ ایران کی ریسلنگ فیڈریشن کےمطابق روس اور بلغاریہ میں ہونے والے کشتی کے عالمی مقابلں میں ایرانی پہلوانوں نے بہترین کارکردگی دکھائی۔ امیر محمد یزدانی کو فری اسٹائل کشتی کی چوہتر کلوگرام کی کیٹیگری میں کانسی کے تمغے پر ضرور اکتفا کرنا پڑی مگر ساتھ ہی انہیں سب سے اچھے غیر ملکی ریسلر کا ٹائٹل بھی دیا گیا۔
اس کے علاوہ ایران کے ایک اور پہلوان محمد عشیری نے گریکو رومن کشتی کی کیٹیگری ساٹھ کلوگرام میں اپنی شاندار کارکردگی دکھاتے ہوئے سونے کا تمغہ اپنے نام کیا اور ساتھ ہی انہیں بلغاریہ کے نکولے پیٹرو کپ کے بین الاقوامی ریسلنگ مقابلے میں، سب سے زیادہ تکنیکی پہلوان کا ایوارڈ دیا گیا۔