آستان قدس رضوی نے ویڈیو کال کے ذریعے امام رضا (علیہ السلام) کے روضے کی زیارت کا اہتمام کر دیا
آستان قدس رضوی کا کہنا ہے کہ امام رضا علیہ السلام کے عقیدت مند ’’ہیلو امام رضا (علیہ السلام)‘‘ پروگرام کو ویڈیو کال کر کے حضرت امام علی رضا(علیہ السلام) کے حرم اقدس کے روضے کی زیارت کا شرف حاصل کر سکتے ہیں۔
’’ سحرنیوز/ایران: ہیلو امام رضاؑ‘‘ پروگرام جو کہ حضرت امام علی رضا(علیہ السلام) کے چاہنے والوں کو دی جانے والی ایک بہترین خدمت ہے۔ اس پروگرام کے ذریعہ ہر اتوار کو ایرانی وقت کے مطابق رات دس بجے ویڈیو کال کے ذریعہ حرم کی زیارت کر سکتے ہیں۔ ’’ہیلو امام رضا(علیہ السلام)‘‘ پروگرام کو آستان قدس رضوی کے کمیونیکیشن اینڈ میڈیا سینٹرکی جانب سے نشر کیا جاتا ہے یہ پروگرام ٹیلی گرام پلیٹ فارم پر حرم امام رضا(ع) کے تمام چاہنے والوں کو ویڈیو کال کی سہولت فراہم کرتا ہے ۔ حضرت امام علی رضا(ع) کے چاہنے والے ہراتوار کو رات دس بجے موبائل نمبر09916921473 کے ذریعہ ٹیلی گرام پلیٹ فارم پر حرم امام رضا(ع) کے ساتھ ویڈیو کال کر سکتے ہیں۔
