SAHAR

ایران کی قومی اسمبلی کے اسپیکر محمد باقر قالیباف نے کہا ہے کہ جو ملک اپنی سلامتی اور ترقی کے لیے دوسروں پر بھروسہ کرے یا سامراجی طاقتوں سے امید رکھے وہ ناکامی سے دوچار ہوتا ہے۔

:سحرنیوز/ایران محمد باقر قالیباف نے کہا کہ آج دنیا کے ظالموں کے ہاتھوں سے مخملی دستانے ہٹ گئے ہیں اور ان کے بدنما ہاتھ لوگوں کے سامنے عیاں ہیں۔ انہوں نے کہا کہ اسلامی انقلاب ایرانی قوم کے تاریخی تجربے سے پیدا ہونے والی ایک عقلی بغاوت تھی جس نے اس سرزمین کو دنیا کی سب سے زیادہ ناقابل اعتماد طاقتوں پر انحصار سے بچایا۔ قالیباف نے کہا کہ سامراجی حکومت اپنے مذموم مقاصد کے حصول کے لیے اپنے دوستوں کا بے بنیاد وعدوں کے ساتھ استحصال کرتی ہے اور پھر انہیں دھتکار دیتی ہے۔ ظالموں کا مقابلہ کرنا مشکل یا مہنگا ہو سکتا ہے لیکن ان سے دوستی کرنا جان لیوا اور مہلک ہے۔