ایران کے قاسم بصیر نامی میزائل کا کامیاب تجربہ، دیکھنے والوں کے اڑے ہوش + ویڈیو
ایران کی وزارت دفاع نے جدید ترین بیلسٹک میزائل قاسم بصیر کی رونمائی کا اعلان کیا ہے۔
سحرنیوز/ایران: ایران کی دفاعی صنعتوں کا تیار کردہ نیا میزائل اپنی کاربن فائبر باڈی اور جدید گائیڈنس اور کنٹرول سسٹم کے ساتھ دفاعی ریڈاروں سے بچ رہنے کی اعلی اسٹیلتھ صلاحیتوں کا حامل ہے۔ ایران کے وزیر دفاع عزیز نصیرزادہ کے مطابق، ٹاد جیسے سیٹلائٹ گائیڈڈ اینٹی بیلسٹک میزائل سسٹم بھی جدید ترین ایرانی میزائل کے وار ہیڈ کو روکنے کے قابل نہیں۔
ایرانی وزیردفاع نے کہا کہ یہ کامیابی وعدہ صادق 1 اور 2 جیسے بڑے فیلڈ تجربات کا نتیجہ ہے۔
قابل ذکر ہے کہ ایران نے گزشتہ برس صیہونی حکومت کے خلاف وعدہ صادق 1 اور 2 کے نام سے دو بڑے کامیاب آپریشن کیے تھے اور ایرانی میزائلوں نے مقبوضہ فلسطین کے اندر صیہونی اہداف کو کامیابی سے نشانہ بنایا تھا۔ اسرائیل اور امریکہ کا تیار کردہ مشترکہ دفاعی نظام بھی ایرانی میزائلوں کو روکنے میں ناکام رہا تھا۔
